Celestino Cabarcos

O día 14 de maio de 1883 nace na Laxe (O Valadouro) o escritor e sacerdote Celestino Cabarcos. Tras estudar no Seminario de Mondoñedo, exerceu de párroco de Romariz (Abadín) e Lagoa (Alfoz). Co pseudónimo de Cástulo e O Bruxo dos Ermos colaborou en publicacións como Vallibria, El Ideal Gallego ou Las Riberas del Eo. Celestino foi amigo de Noriega Varela e López Abente, que lle dedicaron as súas obras, Do Ermo e Alento da Raza, respectivamente. Cabarcos foi o primeiro en publicar poemas en lingua galega durante a Guerra Civil, xa que continuou coa sección Cóxegas que mantiña en Vallibria, aínda que exaltando o bando sublevado. En 1955 con ese título de Cóxegas pública unha escolmas que non aparecen os poemas de ton bélico– en forma de libro. Celestino Cabarcos morre en 1961.