Na tumba de Rosalía.
23 - Setembro
O 23 de setembro de 1904 Curros Enríquez lerá o poema Na tumba de Rosalía no mausoleo de Santo Domingo. No ano 1904 Curros regresaría a Galiza e permanecerá aquí entre abril e outubro, cunha curta estadía en Madrid. Co gallo dunha ofrenda floral a Rosalía, perante a súa tumba no actual Panteón de Galegos Ilustres, lerá o poema dedicado a ela, Na tumba de Rosalía. No poema Curros describe o proceso de alienación social do pobo galego: a ignorancia e menosprezo do propio, a renuncia á lingua, o mimetismo e loa do dominante imposto…, provocado pola fase finesecular da globalización.