![Loading Events](http://almanaquedasirmandades.gal/wp-content/plugins/the-events-calendar/src/resources/images/tribe-loading.gif)
Manuel Antonio
28 - Xaneiro
O 28 de xaneiro de 1930 morre o poeta Manuel Antonio nado en Rianxo o 12 de xullo de 1900. En 1922 publicou, xunto o debuxante Álvaro Cebreiro, o manifesto ¡Máis alá!, o manifesto por excelencia das vangardas galegas e que presenta unha especificidade a respecto dos múltiples manifestos vangardistas europeos: o seu compromiso político que se revela na intransixente defensa da lingua con ataques aos que desertan da súa lingua.
O seu libro De catro a catro. Follas sin data dun diario d’abordo é a obra de referencia da vangarda galega.