- This event has passed.
José Miñones Bernárdez
1 - Maio
O día 1 de maio de 1900 nace en Corcubión o avogado, empresario e político galego José Miñones Bernárdez –Pepe Miñones–. Estudou Dereito en Madrid e Compostela. Fundador do Partido Socialista Agrario en Corcubión, participou na loita polo ferrocarril, a redención de foros, o agrarismo e a educación. Militante do Partido Republicano Radical, foi elixido deputado pola Coruña nas eleccións xerais de 1933 e coa Fronte Popular en 1936. Pepe Miñones foi fusilado no Campo da Rata na Coruña o 2 de decembro de 1936.