Antonia Xosefa Santos García

O día 30 de xuño de 1831 nace en Mondoñedo a fotógrafa Antonia Xosefa Santos García. Coñecida como a fotógrafa do carlismo mindoniense, é unha das primeiras fotógrafas profesionais galegas de mediados do século XIX. Non se sabe moito da súa vida, probablemente compaxinase a fotografía con outro negocio de tecidos. O seu nome saíu á luz como consecuencia de fotografar un grupo de Carlistas que tomou as armas en Galicia en 1872. Antonia aparece rexistrada no Almanaque Anuario Bailly Bailliere e no Almanaque Anuario Riera.